Evenemente

V.V. De Gangmaekers prizzerteertj aan uch de volgendje evenemente in 't sezoen 2016-2017

  1. Kanon.jpg

    Zaoterdig 11 November 2017

    Insjeete vanne vastelaovendj

    20.11 oêr
    Café Oppe Linj

    Mèt ónger angere;

    Aankomst van 't prinselik trio op ein ludieke meneer
    De onthulling van 't "Hendje vanne Prins"
    Optraejes van diverse artiesten
    'T insjeete van 't noewe vastelaovessezoên met 11 kanonssjueëte

  2. Leedjeskonkoer_2013.jpg

    Vriedig 17 November 2017

    Leedjeskonkour

    20.11 oêr
    C.C. Don Bosco

    Tiedens 't Leedjeskonkour zinge de deilnummers ónger muzikale begeleijing van de Flessebaer Bigbend de sjterre van de hemel. Ze make daobiej allemaol kans oppe titel: Haelder Sjlager. Nao de eerste stumrunj woeëbiej ein moeilike taak weggelagdj is väör de vakzjurie gaon 4 deilnummers mèt mekaar de sjtreid aan in ein sjpannende finale!

  3. bak-kaarte-2014.jpg

    Zaoterdig 6 Jannewarie 2018

    Väörverkoup Bóntje Aovendj 2018

    Väör leeje: 13.30 - 14:00 , väör neet-leeje: vanaaf 14:00 oêr
    C.C. Don Bosco

    Op de middig väöraafgaondj aan ’t Prinsebal haojtj Vastelaoves Vereniging de Gangmaekers ein väörverkoup väör de jaorlikse Bóntje Aovendje. Nao deze verkoupdatum zeen ueëvergebleve kaarte nog verkriegbaar bie oze hoeswinkel, Drogisterij Henckens dörpsjtraot 44 Hael.

  4. prinsebal-cie.jpg

    Zaoterdig 6 Jannewarie 2018

    Prinsebal

    20.11 oêr
    C.C. Don Bosco

    De Prins waerdj oetgerope op ziene eige soirée: ’t Prinsebal. Ieërst waerdj de aoje Jeugdprins opgenomme in de HAJ. Vervolges waerdj de noewe jeugdprins oetgerope. Daonao waerdj de Gangmaeker van ’t Jaor bekèndj gemaaktj. Vervolges traeje de Prins van ’t väörig jaor en zien adjudante aaf en numme zitting in de HAP en AAP. Den is ’t tied väör ’t moment woeë ederein väör is gekómme; ’t oetrope van de noewe prins.

  5. seniejore matinee.jpg

    Zunjig 14 Jannewarie 2018

    Gangmaekers Matinee

    14.11 oêr
    C.C. Don Bosco

    Zunjigmiddig 29 jannewarie is de middig van de seniejore van Hael mer ouch väör väöl neet-Haelder, aod-Haelder en anger luuj die van de gulle lach haoje). Die höbbe den häöre eige bóntje middig vol mèt laevendje meziek, dans en optraejes van diverse Haelder/Limburgse artieste.

  6. bak-daag1.jpg

    Vriedig 19 Jannewarie 2018

    Bóntje Aovendj 2018

    19.45 oêr
    C.C. Don Bosco

    De good verzörgdje Bóntje Aovendje zeen väör väöl Haelder minse (mer ouch väör väöl neet-Haelder, aod-Haelder en anger luuj die van de gulle lach haoje) ein van de hueëgtepuntje in ’t väörsezoen vanne vastelaovendj. Dees aovendje sjtaon garant väör plezeer, show en amuzement! En det allemaol door eige Haelder artieste! De entreepries is € 9,- .

  7. baere-cie.jpg

    Zaoterdig 20 Jannewarie 2018

    Baeremiddig 2018

    14.11 oêr
    C.C. Don Bosco

    De zaoterdigmiddig van de Bóntje Aovendje is de zaal d’r väör de kinjer. Die höbbe den häöre eige bóntje middig, sjterker nog: eine Baeremiddig. ’t Podium is den vriej väör acts van en door kinjer, väör kinjer. ’t Eine toneelsjtök is nog neet aafgeloupe of de angere playback-act sjteit alweer te trappele van jeugdig entoeziasme. Muzikale omliesting waerdj uiteraard verzörgdj door de Baerekepel!

  8. bak-daag2.jpg

    Zaoterdig 20 Jannewarie 2018

    Bóntje Aovendj 2018

    19.45 oêr
    C.C. Don Bosco

    De good verzörgdje Bóntje Aovendje zeen väör väöl Haelder minse (mer ouch väör väöl neet-Haelder, aod-Haelder en anger luuj die van de gulle lach haoje) ein van de hueëgtepuntje in ’t väörsezoen vanne vastelaovendj. Dees aovendje sjtaon garant väör plezeer, show en amuzement! En det allemaol door eige Haelder artieste! De entreepries is € 9,- .

  9. bak-daag3.jpg

    Zunjig 21 Jannewarie 2018

    Bóntje Middig 2018

    13.45 oêr
    C.C. Don Bosco

    De good verzörgdje Bóntje Middig zeen väör väöl Haelder minse (mer ouch väör väöl neet-Haelder, aod-Haelder en anger luuj die van de gulle lach haoje) ein van de hueëgtepuntje in ’t väörsezoen vanne vastelaovendj. Dees aovendje sjtaon garant väör plezeer, show en amuzement! En det allemaol door eige Haelder artieste! De entreepries is € 9,- , väör kinjere de helft van de pries: 2 väör de pries van 1.

  10. gezet.jpg

    Woonsdig 24 Jannewarie 2018

    Gezètte Verkoup

    vanaaf 17.00 oêr
    Langks de däöre in Hael

    Ziene Dorstlustige Hoeëgheid de Gangmaekersprins, zien Adjedante, de Vorst, de Raod van XI en angere prominente Gangmaekers zolle in Hael langs de däör ’t Hoesorgaan van V.V. de Gangmaekers; Vastelaovesgezèt “Den Draak” verkoupe. Dees Vastelaovesgezet versjientj oeteraard van A toet Z in ’t Haelder dialekt.

  11. htmtgt.jpg

    Zaoterdig 27 Jannewarie 2018

    Häötemetäötegeträöt

    20.11 oêr
    C.C. Don Bosco

    Ein paar waeke väör de Vastelaovendj vormtj C.C. Don Bosco in Hael ’t dekór väör ein geweldige biejeinkómst van ein aantal zate hermenieje, joekskepelle, prinsekepelle, träöterkepelle, etc. oet gans Limburg. En neet zoeë mer get kepelkes, mer de hotemetoten, de Häötemetäöte dus, op ’t gebied van träöte! 

  12. prinserecepsie-cie.jpg

    Zunjig 4 Fibberwarie 2018

    Prinse resepsie

    13.11 oêr
    C.C. Don Bosco

    Op de Prinsereceptie is t’r de mueëgelikheid om ’t Prinselik en Jeugdprinselik driesjpan van Hael te felicitere. Ein onvergaetelikke middig väör de Dorstlustige Hoeëghede van Hael, mede dankzij de aanwezigheid van vrunj, femielie, collega’s, de HAP, de AAP, de HAJ, kollezje van B&W, menieër pesjtoeër en angere belangsjtellendje. Hie zeen ouch alle angere lokale VastelaovesVereniginge te vinje, die allemaol häör opwachting komme make bie de Gangmaekersprinse. De geliefdheid van de Haelder Hoeëghede zörge t’r väör det de recepsie pas rondj de aovendjinval toet ein einde kumptj.

  13. vastelaovesdeenst-cie.jpg

    Zaoterdig 10 Fibberwarie 2018

    Vastelaovesdeenst

    19.00 oêr
    St. Stephanus Kerk

    Op ein zeer sjtielvolle en waardige meneer luidj Vastelaoves Vereniging de Gangmaekers, de zaoterdigaovendj väör ’t sjpeel begintj, de vastelaovendj in mèt de tradisjonele vastelaovesmès. De beide Gangmaekersprinse sjpele ein hoofdrol in dees mis en gaeve op häör eige meneer invulling op dees hoeëgsjtaondje mis. Nao aafloup van de mis, geitj ’t ganse gezèlsjap nao de pöt oppe Linj, woeë de Baer oet ziene wintjersjlaop waerd gehaoldj en de vastelaovendj offisjeel ge-ueëpentj waerdj. 

  14. pekskesaovendj-cie.jpg

    Zaoterdig 10 Fibberwarie 2018

    Pekskes Aovendj

    20.11 oêr
    C.C. Don Bosco

    Es kindj al vónje wae Pekskesaovendj ein van dé aovendje van ’t jaor, eine aovendj in ’t teike van prachtige pekskes! De zaoterdigaovendj väör de vastelaovendj is eigelik net zoget. Want dae zaoterdig prizzentere väöl Haelder luuj zich väör d’n ieërste kieër in ’t vastelaovespekske woeë ze ’t ganse jaor aan gesjoesterdj, genejdj en gesjläöteldj höbbe. Mèt laevendje meziek van diverse toppers oet de Limburgse artiestewaereldj geit 't den flink d'r aan. En den mót de Vastelaovendj dus eigelik nog beginne…

  15. optocht-cie.jpg

    Zunjig 11 Fibberwarie 2018

    Groeëte optocht

    14.11 oêr
    Door de sjtraote van Hael

    Op zunjigmiddig trèktj de Optochtsjtoet door de sjtraote van Hael. Den Optocht is dus absoluut de mote van ’t bekieke waerdj!

    Nao d’n Optocht waerdj Hael vanaaf 16.11 oêr getrakteerdj op ein heus artiestegala in C.C. Don Bosco, woeënao de priesoêtreiking plaats zal vinje.

    Wiltj gae mèt doon mèt de optocht? Det kin! Opgaeve väör dese sjoeëne sjtoet door de sjtraote van Hael kintj toet zaoterdig 7 fibberwarie biej onze hoeswinkel Drogisterij Henckens. 

  16. tuttermaondig-cie.jpg

    Maondig 12 Fibberwarie 2018

    Tutter Maondig

    14.11 oêr
    C.C. Don Bosco

    Ein evenement väör de jeugd van Hael mèt ónger angere versjillendje spelle, ein lochkusse, ein glijbaan, popcorn, waofels en live meziêk in ‘t tutterpelies. Kom mèt pap, mam, opa’s, oma’s, kortóm de hieële femilie en vergaet diene tutter neet!

  17. kinjeroptocht.jpg

    Dinsdig 13 Fibberwarie 2018

    Kinjer optocht

    14.11 oêr
    Door de sjtraote van Hael

    Op de dinsdigmiddig trèktj de Kinjeroptocht door de sjtraote van Hael. Nao den Optocht waerdj Hael getrakteerdj op ein heus artiestegala in C.C. Don Bosco, woeënao de priesoetreiking plaatsvindj. Daonao zal rondj de aovendjinval op de klanke van de waever, Ben de Baer ingepaktj waere en door de Raod van XI weggedrage waere en is de vastelaovendj väör de kleinste jeugd van Hael väörbie.

  18. aafsloeting.jpg

    Dinsdig 13 Fibberwarie 2018

    Aafsjloeting vastelaovendj

    vanaaf 19.11 oêr
    C.C. Don Bosco

    Onger aanveuring van ’t Jeugdprinselik drietal en de Jeugdraod danstj men om 21.11 oere de Jeugdwaever en daonao vèltj definitief ’t door väör de Gangmaekersjeugdprins en gevolg. Nao ’t danse van de waever zal de Jeugdprins den in ein ieërehaag van zien väörgengers opgevange waere door de HAJ. De Jeugdvastelaovendj is daonao väörbie.

    Op de klanke van de Hofkepel en onger aanveuring van de Gangmaekersprins, Adjedante, Vorst en Raod van XI belaeftj vastelaovendj verendj Hael den häör lètste uurkes. Om 0.00 oere vèltj den ouch ’t dook väör de “groeëte” minse Hael. Den waerdj bie ’t Gangmaekersbeildj onger de klanke van de Groeëte Waever aafsjied genomme van de vastelaovendj.