Martijn Colbers 52ste Prins van VV de Gangmaekers

In bomvolle zaal van CC Don Bosco is op ’t prinsebal Martijn Colbers es 52ste prins van VV de Gangmaekers oetgerope. Hieël ’t vastelaovendj vierendj volk van Hael waas aanwezig en rejageerdje entoesjaz wie Martijn I oêt de koeëker sjpróng.

Effe väörsjtèlle:

Ich bön geboeare op 13 miërt 1995. De iëste paar jaor van mien laeve höb ich oppe Kennedysjtraot in Hael gewoeandj. In 1998 verhoesdje wae met z’n alle nao Pol. Vanaaf aafgeloupe zomer woean ich oppe Bernhardsjtraot 10 in Hael. Dao woean ich same mèt mien vriendin Jenny en mien hundje Kayo. Gae kintj dus waal zègke det ich eine echte Gangmaeker bön.

In 2007 (presies 11 jaor geleje) waas ich jeugdprins vanne Gangmaekers en daodoor sins 2008 lid vanne HAJ. Ouch bön ich de trotse väörzitter van Jonk Begós, woea ich ouch mèt dink bie ’t óntwerpe en boewe vanne optochtwagen. Ouch bön ich eine echte meziek leefhöbber. Es jonk menke begós ich mèt drumme, en laternao houwdje ich de dikke trom bie 3xNiks.

Nao dit vernómme te höbbe kinse waal zègke det vastelaovendj ein groeat deil van mien laeve oetmaakt. En bön ich der gruets op det ich de 52ste prins van de Gangmaekers bön gewoeare. Same mèt mien 3 adjedante: Nick (Leduc), Jeroen (Colbers) en Roel (Bremmers) en gans vastelaovendj verendj Hael maak ich der (same mèt uch) eine sjoeane vastelaovendj vanne, want………

”Hie doon we ’t väör!”