Niks Moog wintj leedjeskonkoer 2017!

Mèt ’t noewe sezoen sjlechs eine daag aod vónj in ein lekker gevöldj CC Don Bosco ’t Leedjeskonkoer plaats. Mèt 9 deilnummers aane sjtart woeëvan d’r mer sjlechs eine es nummer ein kós eindige. En wie! Veer deilnummers wiste ’t nao de beoeërdeiling door pebliek- en vajzjurie toet de finale te sjöppe:  De Poeliewoelie's, Niks Moog, Duo Dich en Ich en Patty. Oeteindelik ging Niks Moog d’r vandoor mèt de wisselbieëker. Zie sjreve de winnendje sjlager “De teks kwiet”. Op deze aovendj waerdje aan Roger Drabbels “De orde van Verdeenste” oetgereikt väör ziene jaorelange muzikale inzet bènne de vastelaoververeinging mèt o.a. ’t leije van Bigband Flessebaer.