Baereprins Vigo I

Aafgelaope zaoterdig waerdje tiedes de Baeremiddig Vigo Leduc oêtgeroepe toet Baereprins Vigo I.

Effe väörsjtèlle:

Miene naam is Vigo Leduc, 6 jaor en ich woean in Hael. Ich zit in groep 3 van bazissjoeal De Sleye. Wie ze mich vroeage óm Baereprins te waere zag ich drek jao! Al wis ich toen nog neet presies waat det allemaol inhèltj.. Ouch wie ich ’t toen waal wis vónj ich ‘t hiël sjiek! Laot de vastelaovendj mer kómme!

Wètj gae waat ‘t lestigste is van Baereprins waere? Om de móndj toe te haoie. Dju, det is neet gemekkelik huer. Eigelik wilse det aan ederein vertèlle mer det kan natuurlik neet. In ‘t geheim höb ich mèt pap en mam naogedachtj uever eine sjpreuk en sjtilkes gefluustertj wie ich bie Hans Sweegers fotoos aan ‘t make waas. Ich vónj t allein neet zoea netjes det ich taege mie zösterke mós zègke det wae dao allein efkes fotoos ginge printe. Lege maag toch neet?! Toch höb ich ‘t good volgehaoje en nieks gezagdj.

Noe ‘t noets d’r oet is kintj ‘t fiës beginne!! Óm uch nog get miër uever michzelf te vertèlle: Ich vinj ‘t leuk óm boete te sjpele, te knutsele en ouch óm oppe iPad te kieke of sjpelkes te doon. Mien broor, zus en ekstra breurkes zeen Noah, Jenthe, Julian en Siem. Ich bön hiël good in zooj te verzamele en ich weit ouch presies wanniër pap of mam toch get weggedaon hiët en es ich örges geine zin in höb den zultj gae det dudelik aan mich zeen ;-) Väör al dees dinger zal ich mèt de vastelaovesdaag geine tied höbbe. Den gaon wae rauze inne zaal! Ich wil dit fiës den ouch gaer mèt uch allemaol vere en d’r same ènne ónvergaetelikke vastelaovendj van make!

“Ouch al is blauw mien levelingskläör, noe geitj paars mèt gael efkes väör!“