Historie

Vastelaoves Vereniging De Gangmaekers oet 't Midde-Limburgse Hael besjtóng in 1999 3 x 11 jaor. Ze is dus ópgerichtj in 1966. Det beteikentj äöverigens neet det t'r in Hael pas vastelaovendj besjtuitj sinds det jaor. De aojst bekèndje uting van dit volksfieëst in Hael sjtamtj al oet 1897. Toen al versjeen ein gans in 't dialekt gesjreve vastelaovesgezèt. Oet dae tied datere ouch de ieërste berichte ueëver optochte op vastelaoveszunjig.

Tot aan de Twieëdje Waereldjoeërlog waerd wisselendj meljing gemaaktj van optochte, bals, konzaers en zoeë mieër, op de drie daag väör asgoonsdig. Al dees aktiviteite woeëre in dae zin neet georganiseerdj, det ze neet ónger auspiciën van ein vastelaovesvereining sjtonge. 
Ein dergelikke vereniging ontsjtong pas in 1946. 
 
Dees ieërste vastelaovesvereniging organiseerdje Bóntje Aovendje, regeldje optochte en sjreef vastelaovesgezètte. De ieërste raod van Elf waas väöral eine groep vrunj. De vereniging haaj de naam "D'n Draak". Dit verwees nao de drakelegende van Hael die al sinds jaor en daag ein belangrieke rol sjpeeldje in de Haelder gemeinsjap. Zoeë waerdje d’r in de jaore '30 zelfs ein drakesjpel opgeveurdj, gesjreve door Panhaeldenieër Pater Jacques Schreurs (bekèndj door zien "dagboek van een herdershond").
Dees ieërste Vastelaoves Vereniging organiseerdje bontje-aovendje, regeldje optochte en sjreef Vastelaovesgezètte.

In 1967 waerdje Vastelaoves Vereniging De Gangmaekers offisjeel opgerichtj.
’t Is den ouch neet vraemdj det De Gangmaekers ueëver mer leefst 3 symbole besjikke:

  • D’n Draak: Symbool vanne oudheid, woeë de wortels van de Haelse vastelaovendj ligke.
  • De Gangmaeker: Symbool van ’t hede, van vandaag, van “doe laefs mer eine kieër.
  • En de Baer: Symbool van de toekoms, van de kinjer, van de väöroetgang.


Alle gooj dinger in drieje dus. Ouch bie symbole!